Арман жақында пәтеріне ақылды шаңсорғыш сатып алды. Арманның пәтерін екі өлшемді жазықтық ретінде қарастыруға болады. Шаңсорғыш осы жазықтықта келесі әрекеттер арқылы қозғала алады:

• Солға бұрылу. Шаңсорғыш 90 градусқа солға бұрылады. Бұл әрекет 'L' әрпімен белгіленеді.

• Оңға бұрылу. Шаңсорғыш 90 градусқа оңға бұрылады. Бұл әрекет 'R' әрпімен белгіленеді.

• Алға қадам. Шаңсорғыш қарап тұрған бағытында бір қадам алға жылжиды. Бұл әрекет 'W' әрпімен белгіленеді.

Шаңсорғыш Арманның пәтерін әрбір тазалаған сайын өз әрекеттерін \(A\) жолына жазып отырады. \(A\) жолы әрдайым 'S' әріпімен басталады, ол тазалаудың басталуын білдіреді, және әрдайым 'E' әріпімен аяқталады, ол тазалаудың аяқталуын білдіреді. Ал \(A\) жолының ішіндегі барлық басқа әріптер — 'L', 'R' немесе 'W' әріптері, олар жоғарыда сипатталған әрекеттерге сәйкес келеді.

Шаңсорғыш әрқашан тазалауды \((0,0)\) нүктесінен бастайды және тазалауды кез келген жерде аяқтай алады. Тазалаудың басталуында шаңсорғыш әрқашан оңға, \((1,0)\) нүктесінің бағытына қарайды.

Әр тазалаудан кейін Арман, қызық үшін, \(A\) жолына қарап, шаңсорғыштың пәтердің барлық жерін тазалағанын тексереді. Алайда, бұл жолы жұмыстан үйге келгенде, Арман жолда барлық 'W' әріптерінің өшіп қалғанын байқайды — шаңсорғышта белгісіз бір ақау болды! Бірақ барлық басқа әріптер сақталған: \(A\) жолы әлі де 'S' әріпімен басталып, 'E' әріпімен аяқталады және арасында 'L' мен 'R' әріптері кездесе алады.

Енді Арман пәтердің барлық жері тазаланғанын қалай тексеру керек екенін білмейді. Ол \(Q\) нүкте тізімін жасады. Осы тізімдегі әрбір нүкте үшін теориялық тұрғыдан алғанда шаңсорғыш сол жерде болғаны мүмкін болса, Арман шаңсорғыш пәтердің барлық жерін тазалады деп есептеймін деп шешті. Оған осыны анықтауға көмектесіңіз!

Енгізу

Бірінші жолда \(A\) жолы (\(2 \le |A| \le 100\), \(|A|\) деген \(A\) жолының ұзындығын білдіреді) беріледі. \(A\) әрдайым 'S' әріпімен басталып, 'E' әріпімен аяқталады және ортасында тек 'L' және 'R' әріптері кездеседі.

Екінші жолда бір бүтін сан \(Q\) (\(1 \le Q \le 100\)) беріледі — Арманның тізіміндегі нүктелер саны.

Келесі \(Q\) жолдың әрқайсысында екі бүтін сан \(x\) және \(y\) (\(-100 \le x, y \le 100\)) беріледі — Арманның тізіміндегі келесі нүкте.

Шығару

\(Q\) жол шығарыңыз. Арманның тізіміндегі әрбір нүкте үшін бір жеке жол болу керек. \(i\)-ші жолда бір сөз ғана шығарыңыз — "Ia" (егер шаңсорғыш \(i\)-ші нүктеде болғаны мүмкін болса) немесе "Joq" (егер шаңсорғыш \(i\)-ші нүктеде болғаны ешқалай мүмкін емес болса).

Бағалау жүйесі

Мысалдар

Енгізу 1

SE
1
5 0

Жауап 1

Ia

Енгізу 2

SE
1
0 -3

Жауап 2

Joq

Енгізу 3

SLRLLE
5
0 0
-1 -2
1 3
0 4
3 -1

Жауап 3

Ia
Joq
Ia
Ia
Joq

Ескертпелер

Алғашқы екі мысалға арналған көмекші сурет.

Алғашқы екі мысалды қарастырайық. \(A\) жолында 'L' және 'R' әріптері жоқ, демек, шаңсорғыш ешқашан бұрылмаған. Шаңсорғыш бастапқыда \((0, 0)\) нүктесінде тұрып, оңға қарап тұрғандықтан, ол \((5, 0)\) нүктесіне келесі операциялар тізбегімен жете алады: "SWWWWWE". Алайда, \((0, -3)\) нүктесіне ол ешқашан жете алмайды.

Алғашқы екі мысал барлық ішкі есептердің шектеулеріне сәйкес келеді. Үшінші мысал тек \(4\)-ші ішкі есептің шектеулеріне сәйкес келеді.